|
Më 28.05.2007 shoqatat e qytetarëve ARKA, IZBOR, CDR, CGI dhe
Koalicioni Të gjithë për gjykime të drejta, partnerë implementues në
Projektin për përkrahjen e të drejtave të njeriut, organizuan tryezë të
rrumbullakët në hotelin Kontinental në Shkup. E njëjta u organizua me
rastin e miratimit të Rregullores për kryerje të punëve në Sektorin për
kontroll të brendshëm dhe standarde profesionale. Moderator ishte
Kryetari i ARKA z. Feat Kamberovski. Përshëndetjen hyrëse deri te
pjesëmarrësit e kishte z. Viktor Ulom, udhëheqës i departamentit për
sundim të ligjit pranë Misionit të OSBE në Shkup
z. Voisllav Zafirovski, ndihmës ministër në MPB, udhëheqës i SKBSP
kishte ligjëratë për Risitë në Rregulloren për kryerje të punëve në
Sektorin për kontroll të brendshëm dhe standarde profesionale, m-r.
Petar Jordanovski nga PPDNj kishte ligjëratë rreth pozitës dhe
funksionimit të Sektorit për kontroll të brendshëm dhe standarde
profesionalen Republikën e Serbisë, prof. d-r Trpe Stojanovski, ndihmës
ministër në MPB, profesor i Akademisë Policore për Llojet e kontrollit
mbi policinë – pasqyrë komparative dhe z. Tripun Tanusheski, zëvendës
Avokat i popullit për Marrëdhëniet mes Avokatit të popullit dhe
Sektorit për kontroll të brendshëm dhe standarde profesionale nga
aspekti i Rregullores së re.
Pjesëmarrës ishin këshilltarët juridik të PPDNj, zëvendësit e Avokatit
të popullit nga zyra në Shkup dhe zyrat tjera në Maqedoni, inspektorët
e SKBSP, profesorë nga Fakulteti juridik në Shkup, përfaqësues nga UHDP
dhe OSBE. Si rezultat i ligjërimit nga ana e pjesëmarrësve në tryezën e
rrumbullakët, mund të nxirren konkludimet vijuese:
• Imponohet nevoja për qasje drejt ndryshimit të Ligjit për punë të
brendshëm dhe të Marrëveshjes kolektive me qëllim të parashikimit të
masave tjera disiplinore për sanksionimin e Personave Zyrtar të
Armatosur (PZA) të MOB në raste të keqtrajtimit policor, përveç atyre
ekzistuese – largim nga puna dhe dënim me para. Përfaqësuesit e SKBSP u
pajtuan me konstatimet e sektorit qytetar se ekziston dallim mes
shkeljes të të drejtave të qytetarëve nga ana a PZA të MPB dhe masat e
shqiptuara dhe mendojnë se zgjidhja qëndron në ndryshimin dhe
plotësimin e akteve paraprakisht të përmendura;
• Në vitin 2006, e veçanërisht në vitin 2007, për dallim nga vitet e
kaluara, SKBSP në pjesën më të madhe të rasteve i respekton afatet e
caktuar me ligj në të cilat duhet ti për gjegjet Avokatit të popullit,
shoqatave të qytetarëve dhe qytetarëve të cilët i janë drejtuar SKBSP
ose policisë;
• Dispozita e nenit 117, alineja 3 e cila përcakton se SKBSP pas
ankesës së parashtruar mund të zgjasë deri në gjashtë muaj, lë hapësirë
për dredhim të drejtësisë. Afati prej gjashtë muajve është i paraparë
apostafat për pohime për vepër penale të kryer nga ana e PZA të MPB,
ndërsa nga ana tjetër Ligji për marrëdhënie të punës pamundëson
ndërmarrje të çfarëdo qoftë mase disiplinore nëse prej ndodhjes së
veprimit inkriminues kanë kaluar më tepër se 6 muaj. Përfundohet se
secili afat më i gjatë se 3 muaj lë mundësi për keqpërdorim nga ana e
të punësuarve në MPB në dëm të të drejtave të njeriut;
• Është përshëndetur dispozita e rregullores së re për kryerje të
punëve të SKBSP me të cilën parashihet përgjegjësi për udhëheqësin i
cili ka ditur ose ka qenë i obliguar të dijë për thyerje të rendit të
punës dhe disiplinës ose veprim tjetër joligjor të PZA të MPB dhe nuk
ka ndërmarrë masa adekuate;
• Në rregulloren e re për kryerje të punëve të SKBSP, poashtu si edhe
në të vjetrën nuk ka dispozitë me të cilën qytetari – viktimë e
supozuar e keqtrajtimit policor do ti ishin dhënë udhëzime juridike,
dhe i njëjti nuk është udhëzuar për mundësinë për mbrojtjen e të
drejtave të veta para organeve tjera kompetente;
• Imponohet nevoja nga përpunimi më i hollësishëm i nenit 16 i cili
rregullon veprimin sipas ankesave anonime nga ana e qytetarëve. Kështu
si është i konceptuar, lë hapësirë për arbitraritet nga ana e
inspektorëve të SKBSP gjatë vendimmarrjes a do të veprohet sipas
ankesave. Ankesat anonime më së shpeshti janë rezultat i frikës së
qytetarëve nga konflikti me PZA të MPB, ndërsa nga ana tjetër ato mund
të përmbajnë të dhëna të konfirmuara për thyerje serioze të të drejtave
të njeriut dhe të drejtave nga ana e PZA;
• Nevojitet qartësim i termit “lirues” në nenin 20, alineja 3 pika 3 e
rregullores, si dhe të shqyrtohet mundësia për largim të tërësishëm të
pikës 2 të nenit të njëjtë, në të cilën thuhet se përfundimet e
raportit final mund të jenë se nuk ka fakte të mjaftueshme për sjellje
joligjore dhe joprofesionale të PZA të MPB. Në procedurën para PP
(Prokurorisë Publike) nuk ka dispozitë të këtillë;
• Ekziston nevojë për qartësimin e marrëdhënieve mes SKBSP dhe MPB nga
njëra anë dhe Zyrës së avokatit të popullit nga ana tjetër. Në të
kundërtën bashkëpunimi i ardhshëm do të jetë i përcaktuar nga vendimet
personale të atyre që janë në krye të këtyre institucioneve. Në këtë
drejtim nevojitet shfaqje më agresive dhe më proaktive nga ana e
përfaqësuesve të Zyrës së avokatit të popullit në veprimin rreth
rasteve të keqtrajtimit policor, në pajtim me obligimet ligjore, të mos
mund të realizojnë takim me PZA të MPB për të cilët ekzistojnë indice
se i kanë thyer në mënyrë të vrazhdë të drejtat e njeriut, vetëm për
atë se bëhet fjalë për pjesëtarë të forcave speciale policore.
|
