Kumtesë për mediumet 07.10.2008
Wednesday, 29 October 2008
Shoqatat e qytetarëve Koalicioni “Të gjithë për gjykime të drejta” nga Shkupi, Forumi për të drejtat e Romëve Arka nga Kumanova, Qendra për zhvillim demokratik nga Tetova, Qendra për iniciativë qytetare nga Prilepi dhe Izbor nga Strumica të cilat së bashku e implementojnë Projektin për përkrahjen e të drejtave të njeriut të viktimave të keqtrajtimit policor, i dënojnë ashpër dy rastet e fundit të torturës policore dhe sulmit ndaj qytetarëve në kryeqytetin e Republikës së Maqedonisë, të cilat u prezantuan në lajmet e më tepër shtëpive mediale nacionale.

Projekti i dënon ashpër veprimet e njësisë speciale Alfa të cilat kanë marrë pjesë në rrahjen e Selim Jusufit nga Luboteni dhe të cilët kanë përdorë forcë dhe kanë përdorë armë zjarri ndaj viktimës, si dhe rrahjen e djalit nga ana e tre policëve të komunikacionit në parkingun e qendrës tregtare Karposh 3 (i njohur edhe si Leptokaria) i cili ishte i shtrirë në tokë dhe u rrah me grushte dhe shqelma.

Shoqatat në Projekt potencojnë rëndësinë e Ligjit për Polici i cili thotë se detyra themelore e policisë është mbrojtja e të drejtave dhe lirive të njeriut, e jo thyerja e tyre.

Deklaratat dhe incizimet tregojnë hapur në të dy rastet përdorimin përtej mase të forcës dhe torturës të cilat janë të ndaluara me dokumentet ndërkombëtare të cilat i ka miratuar edhe Republika e Maqedonisë.

Projekti kërkon që MPB ti ndërmerr të gjithë masat e nevojshme për dënimin e nëpunësve policor, dhe njëkohësisht i fton qytetarët të cilët janë viktima në këto dy raste të paraqiten në numrin 0800 11 333 dhe pa pagesë të marrin ndihmë juridike dhe ndihmë financiare për dokumentim medicinal. 

Ky projekt është i mbështetur nga Fondacioni Instituti shoqëri e hapur – Maqedoni dhe Fondi i viktimave nga tortura pranë OKB.